La Feria del Salmón de Cornellana, el Festival Intercélticu d'Avilés, el Certame del Quesu Casín y l'Ascesión d'Uviéu fueron declaraes 'Fiesta d'interés Turísticu del Principáu d'Asturies'. El Plenu del Conseyu Asesor de Turismu del Principáu --formáu por represenantes de l'Alministración rexonal, ayuntamientos, sindicatos, empresarios, Universidá y los grupos parlamentarios de PSOE, PP y IX--, decidió güei n'Uviéu de manera unánime, dotar de dicha declaración a estes celebraciones de "reconocida fama y tradición".

   La declaración de 'Fiesta d'Interés turísticu del Princpáu', de la que ya gozaben 35 festividaes asturianes, non sólo reconoz la particularidá de les fiestes, sinón que pretende fomentar la so capacidá de convocatoria y tornales en reclamu pal potencial turista.

   La Feria del Salmón (Cornellana, Salas) ye la única dedicada n'esclusiva a tan valoráu exemplar y tornó, nos sos diez años d'existencia, nuna de les grandes feries d'Asturies. L'eventu constiúi, amás,  una referencia pa tolos pesadores que celebren con esta fiesta l'abertura oficial de la temporada del salmón. Ente los eventos qu'axunta la feria destaca especialmente la subasta del 'campanu'.

   El Festival Intercélticu d'Aviles se presenta, pela so parte, como un eventu de carácer integral qu'amesta música, teatru, danza, artes plástiques, xuegos y mercaos tradicionles. El conseyu considera esti certame la mayor espresión artística y etnocultural dedicada a la tradición celta qu'aconceya añalmente l'alianza de Nacionalidaes Celtes del Artcu Altáticu, integrada por Asturies, Galicia, Bretaña, Escocia, Gales y Irlanda. El festival va celebrase esti añu, ente'l 18 y el 27 de xunetu. Avilés cuenta ya con dos fiestes declaraes d'Interés turísticu Rexonal, como son la Selmna Santa y l'Antroxu.

   El Certame del quesu casín (Col.lada d'Arnicio, Caso) con más de 20 años de tradición, ta consideráu como ún de los alcuentros gastronómicos más acreditaos de la rexón, non sólo pola calidá de los productos, sinón tamién pola so organización.

   Finalmente, la Fiesta de l'Ascensión d'Uviéu ta considerada, col so carácter espositivu, espardedor y festivu, "un indudable homenaxe al campu y a les sos xentes que contribuyó demientres años a conservar la tradición de ganaderos y campesinos y na capital del Principáu".