El prósimu día 25 d’abril, vienres, va presentase’l llibru «Dos muyeres escritores y otros ensayos» de la Fundación Nueva Asturies.

L’actu va tener llugar a les 8 la tardi nel salón d’actos del Antigu Institutu Xovellanos (xunto a la Plaza’l Parchís), en Xixón.

La entrada ye llibre y a los asistentes va regaláse-yos un exemplar del llibru.

El llibru cuenta con estudios de Francisco Álvarez Velasco [«Para una teoría del cuerpo en la poesía de María Teresa González»], Vicente García Oliva [«La playa del recuerdu (L’agua na poesía de María Teresa González)»], Xuan Xosé Sánchez Vicente: [«Berta, Piñán. Mundu y escritura», «Homenaxe a Teresa González: delles notes sobre la so poesía», «La tradición clasicista na lliteratura asturiana en llingua asturiana. Tradición y traducción»].

Dientro l’interés xeneral de los testos cabe destacar qu’esisten tres dedicaos a María Teresa González, la poetisa de Tremañes a la que ta dedicada esti añu la Selmana de les Lletres Asturianes. Desi mou y manera l’actu de la Fundación Nueva Asturies, cola presentación de «Dos muyeres escritores y otros ensayos», vien convertise nel puntu de partida de la Selmana les Lletres d’esti añu, al marxen de consistir, de por sí, nun homenaxe a la ilustre poetisa.